Seafood

السمكة الحارة

المقادير

بصل مفروم.
ثوم حلقات.
كزبرة.
بقدونس.
كزبرة ناشفة مطحونة.
كمون.
ملح.
طماطم.
عصير ليمون.
زيت زيتون.
سمك هامور.
مطيبات ( بصل، جزر، كرفس).

الطريقة

يخلط البصل المفروم مع الثوم والكزبرة والبقدونس والكزبرة الناشفة والملح، ثم يضاف الطماطم وعصير الليمون وزيت الزيتون.
تعمل فتحات على جانبي سمك الهامور، ثم تحشى هذه الفتحات بالخلطة السابقة.
توضع السمكة على ورق زبدة يحتوى على المطيبات، ويضاف إليها ما تبقى من خلطة التتبيلة.
تلف السمكة بورق من الألمونيوم، ثم توضع في فرن حرارته 180 ْ لمدة ½ 1 ساعة إلى ساعتين حتى تنضج.
5. يمكن تقديم السمكة الحارة مع نوعين من الصلصة:

صلصة طماطم:

زيت زيتون- تتبيلة السمكة الحارة- صلصة طماطم -ملح - فلفل أسود (تخلط المحتويات في وعاء على النار).

صلصة زبدة:

يسخن عصير الليمون، وتضاف إليه قطع من الزبدة وتركها تسيح، ثم تتبل بالملح والفلفل

&*&*&*&*&

سمك صينية

المقادير

كيلو سمك شبار - أربع ملاعق زيت - بصلة متوسطة - ملح –

فلفل اسود - كمون - ملعقة خل - حبايتين طماطم

الطريقة

ينظف السمك جيدا ويدعك بالملح
تخرط البصلة قطع صغيرة
تصفي حبايات الطماطم
تقطع حباية الفلفل الأخضر قطع صغيرة
يوضع السمك في صينية ويضاف عليه الخليط مع ملعقة خل و أربع ملاعق زيت
تزج الصينية بالفرن وتترك حتى ينضج

التقديم

يقدم مع الأرز الأبيض العادي

&*&*&*&*&

سمك سنجاري

المقادير

سمك نظيف ومشقوق بطول السمكه من بطنها ومفرده
كميه ثوم ولتكن راسين من الثوم المدقوق
كمون وشطه وملح وفلفل وكارى
ليمون وليكن 10 ليمونات( اصله بيحب الليمون) 5 شرائح والباقى عصير
حزمه كسبره خضراء
كوب زيت زيتون

الطريقة

نرص السمك النظيف بالطول فى صينيه ونضع عليه الخليط الاتى
ثوم+ فلفل وملح وكمون وشطه وكارى وحزمه الكسبره المقطعه
نفرم الخليط السابق ونضعه على السمك وبعدين نضع الزيت عليه . ونرص الليمون الشرائح عليه.
نحمى الفرن قبل ذلك ونضع الصينيه بعد التغطيه بالفويل .

التقديم

قرب النضوج نرفع الفويل للتحمير ونضع الليمون وتقدم ساخنه مع الارز الابيض وسلطه طحينه

كالامارى محشى

وده من احلى طرق عمل الكالامارى
نجيب كيلو كالامارى من النوع الطويل اللى لونه قرنفلى
وده تنضيفه سهل اوى ونرمى الراس وهانشتغل بالجسم بس
اللى عامل زى القرطاس
الاول نحضر خلطة الحشو كوبايتين رز مغسول
و ربطة كسبرة خضرا وشبت مفريين ناعم
و بصلاية مبشورة وتلات فصوص توم مفريين وملح وكمون (بسيط).. وشطة
و نص كيلو جمبرى مقشر من النوع اللى لحمه أبيض ...( مهم )
نقلب كل ده على بعضه يبقى الحشو جاهز

ونحط حلة كبيرة عالنار نصها ميه علشان تغلى على ما نخلص حشو
ونحط فيها ملح عادى وعودين كرفس وبصله
نجيب بقى كل كالامارييايه ونحشى نصها ...
ونقفل الفتحه بغرزتين اتنين بس.. بالخيط والابرة.. لازم تكون فيها فتحات
وبعد مانخلص كل الكميه نسقطها فى الميه اللى بتغلى
ونسيبها حوالى نص ساعه بعد الغليان وبعدين نطلعها على جنب
ونرمى مية السلق
ودى المرحله الاولى
نحضر طاسه غويطه بزيت عميق ونحمر الكالامارى المحشى
لدرجة اللون الذهبى الجميل
ويقدم ساخنا ...أحلى من الحمام المحشى

جمبرى بخلطة السنجارى

هانحضر خلطة من :
بقدونس وشبت و كسبرة خضرا مفرى ناعم
وبصلتين انصاف حلقات و اربع فصوص توم كبار مفريين
وملح وكمون وشطه .... وعصير اربع ليمونات كبار
هانخلط كله ماعدا الليمون

ونغسل الجمبرى ونشق ضهره وننضفه عادى
هانحط نص الخلطه فى صينية فرن ونرص عليها الجمبرى بس مش لازق فى بعضه
ونحط نص الخلطه التانى ..بس بحيث حتت صغيره من الجمبرى تبقى باينه
ونخرط طماطمايه ناشفه مكعبات صغيره ونوزعها عشوائى عالوش
و نحط من الجنب نص كوباية صغيرة ميه ... ونرش عالوش معلقتين تلاته زيت
ونغطى بفويل ويدخل فرن حار نص ساعه..ثم نكشف الفويل للتحمير
ولما تطلع الصينيه نقابلها بعصير الليمون وتقدم فورا للنسف والتدمير

&*&*&*&*&

صينية جمبرى بالبروكلى

بنجيب جمبرى كبير او وسط ونشيل راسه فقط
ونجيب نص كيلو بروكلى ويقطع لقطع صغيرة باعناقها
ويسلق فى ماء يغلى لمدة دقيقتين بس.. ونصفيه
ونقطع بطاطسايه مكعبات صغيرة حوالى 1 سم × 1 سم
ومعلقتين محترمين مفروم توم ومعلقة ملح .... وكمون و شطة
نخلط الجمبرى مع باقى المكونات فى صينية ومعاهم نص كوباية ميه نصبها من الجنب
ونقفل بالفويل ونحدفها عالفرن الحامى نص ساعه
ثم نكشف الفويل ونحطها عالرف العلوى 5 دقايق تحمير خفيف

&*&*&*&*&

كفتة الجمبرى او السمك
نجيب كيلو لحم جمبرى من النوع الابيض او الرمادى
او كيلو لحم سمك بحرى
وبصله متخرطة وراس توم متقشره وشبت وبقدونس وكسبره خضرا
وكوباية رز مغسوله ونسيبها شويه مبلوله لسهولة الطحن
وطبعا ملح وكمون وكسبرة ناشفه وشطة
نفرم ده كله مع بعضه بالمفرمة او بالكبه
هاتلاقى عجينه لونها اخضر وتلزق فى الايد

هانجيب طبق غويط ونحط فيه نص كوباية زيت
ونبدأ ندهن ايدينا الاتنين بالزيت ونصبع من العجينه صوابع قد الصباع
ونرص فى صينيه كبيره .. لان مش هانلحق نصبع ونحمر فى نفس الوقت

ويكون عالنار زيت عميق ساخن ونبدأ ننزل الصوابع ونحمرها فى الزيت
ونطلعها باللون الذهبى او البنى الفاتح
ممكن تتاكل كده
والاحلى اننا بعد التحمير نجهز دمعه بالتوم
نفرم 5 فصوص توم ونشوحهم فى شوية زيت
وندلق عليهم عصير 2 كيلو طماطم مع ملح وتتسبك شويه
بعد كده نحط على الدمعه الكفته اللى حمرناها ونسيبها عالنار تغلى 10 دقايق

&*&*&*&*&

مدفونة الجمبري

المقادير

كيلو جمبري مقشر حجم متوسط - نصف كوب زيت

- بصلة كبيرة - ملح - فلفل اسود - كوبان أرز - ملعقة طماطم

الطريقة

يغسل الجمبري جيدا ويرش بالملح ويوضع في مصفاة
تقطع البصلة قطع صغيرة وتحمر في الزيت

ويوضع الجمبري علي البصلة مع الفلفل والملح وملعقة طماطم ويشوح

ثم يضاف الماء وكوبان ارز ويقلب ثم يترك حتي ينضج

التقديم

يقدم مع الفجل والجرجير

&*&*&*&*&

كبيبة الجمبري

المقادير

اثنان كيلو جمبري مقشر يغسل جيدا - بصلة كبيرة للفرم مع الجمبري

بصلة كبيرة تحمر وتطحن - اربعة ثومات –

حزمة بقدونس وشبت مفرومة – كوبان ارز نصف كسر ( ليس ناعم )

ثلاث ملاعق زيت - ملح - فلفل - كمون – نعناع

الطريقة

يفرم الجمبري مع البصل والثوم والبقدونس والشبت ثم يضاف اليه الارز والتوابل

و يخلط جيدا ثم تكور العجينة على شكا اقراص متوسطة مبططة

يغلي كوبان ونصف ماء يضاف اليه البصلة المطحونة

ويوضع في الماء بعد غليه الاقراص السابق تجهيزها حتي تنضج ( عشرة دقائق تقريبا )

ثم تنشل وتصفي ويتم تحميرها بعد ذلك في الزيت المغلي.

التقديم

يقدم مع سلاطة الطحينة

&*&*&*&*&

الملوخيه بالجمبرى

المقادير

ربع كيلو من الملوخيه المجمده او الطازجه المخروطه ( يكون افضل )
نصف كيلو جمبرى منظف جيدا
بصله مقطعه مكعبات
جزره
وحلقات ليمون
ثوم مدقوق
ربع حزمه كزبره خضراء
طمطمايه
كزبره ناشفه وفلفل اسود وحبهان ومستكه وملح
3 ملاعق من السمن

طريقـة التحضير

اسلقى الجمبرى فى الماء وضيفى له البصل والجزره والطماطم ومقدار من الثوم

وحلقات الليمون والكزبره الخضراء والفلفل الاسود والهيل والمستكه وورق الغار والملح
صفى مرق الجمبرى وانزعى الجمبرى وضيفيه الى المرق المصفى واعيدى غليه

ثم ابعديه عن النار واضيفى الملوخيه المخرطه وقليل من الثوم المدقوق والكزبره الناشفه المطحونه
ثم اقلى الثوم فى السمن واضيفى له كزبره مطحونه
اضيفيه الملوخيه وغطيها جيدا لمده خمس دقائق

&*&*&*&*&

الكشك بالجمبري

المقادير

نصف كيلو جمبرى صغير الحجم
بصلة متوسطة مبشورة
راس ثوم صغير مدقوق بملح وشطة وكمون
2 كوب عصير طماطم
ملعقة رز
ملعقة دقيق
ملعقتان نعناع ناشف
زيت ذرة

الطريقة

نضع كمية من الزيت ونضع عليه البصلة حتى تصفر

ثم نضيف الثوم المدقوق بلشطة والكمون والملح حتى يحمروا

ثم نضيف الطماطم ونتركهم حتى يتسبكوا

ثم نضيف 2 كوب ماء والجمبرى ومعلقة الرز ونتركهم حتى يستوى الجمبرى

ونظبط الملح والفلفل حسب الرغبة بس الطبق دة يحب الشطة

وفى كوب نضع الدقيق ونصف كوب ماء ونقلبهم ونصفيهم

ونضيفهم على الوصفة ونقلب حتى يتخن شوية زى المهلبية

ونضعه فى الاطباق وفى طاسة نحمر النعناع الناشف فى شوية زيت

ونطش الاطباق بلنعناع ويقدم

الجندوفلي

المقادير

كيلو جندوفلى كبير \ محار
راس ثوم مهروسة
عصير ليمون
بقدونس مفروم
واحد قرن فلفل أخضر مقطع قطع صغيرة
زيت ذرة أو زيت زيتون
ملح وفلفل أسود وورق لورا

يغسل الجندوفلى بالماء البارد الغزير
نأخذ نصف الثوم ونضع معه قليلا من الزيت والملح والفلفل ونضعهم على الجندوفلى ويخلطوا فى حلة عميقة بعض الشىء ثم توضع على النار
تنطق الحلة كل 5 دقائق لمدة نصف ساعة
نضيف باقى الثوم والليمون وللورا والبقدونس ورشة زيت ونضع الفلفل الأخضر وتنطق مرة ويترك على النار لمدة 10 دقائق ثم يرفع من على النار
ملحوظة : عند شراء الجندوفلى أو المحار لابد أن يكون الجندوفلى مغلق الصدفتين بقوة
بحيث لا تستطعين فتحهما الا بصعوبة هو سوف يفتح عند طبخه وهذا يدل على لأنه طازج

الكابوريا

كابوريا بالكمية اللى انتى عوزاها
ملح – فلفل – كمون
بصلة كبيرة او 2 بصلة متوسطة
الطريقة
1- نضع الكابوريا فى حلة كبيرة و نضع عليها الملح و الفلفل و الكمون
2- نقشر البصل و نقطعه شرائح تخينة و نحطة فى الحلة على الكابوريا
3- نخلط كلة ببعض كويس
4- نولع النار متوسطة و تنطئى الحلة لفوق كل شوية
5- حتلاقى الكابوريا لونها اتغير و بقيت برتقالى مزهزة
6- وحتلاقى الكابوريا نزلت مايتها و حتستوى فيها
7- و برضة تفضلى تنطئى الحلة لفوق كل شوية لحد ما تستوى و حتبقى اخر تمام
8- كل السوى حيبقى نص ساعة . ساعة الاربع بالكتير